На 31 Јули 2013 се одбележуваа 101 години од раѓањето на Милтон Фридман. Во чест на неговата визија и влијанието кое Фридман го имаше врз општеството Фридман фондацијата во соработка со институции и организации ширум светот организира настани во негова чест. ЦЕРИ во соработка со ЦИКП по втор пат се приклучи на овие активности и ја вброи Битола во листата на градови во кои се организираат настани по повод овој ден. Во рамките на настанот беше прикажан краток документарен филм за делото и визијата на Фридман и се одржа дебата во која со свое излагање вовдничар беше Менче Хаџи-Коста Милевска која на присутните им презентираше аспекти од економската теорија на Фридман.
